4 Comments. Add your own...

• 1. Nassif | December 9th, 2007 at 11:26 pm

  Gebran we do have qualified people with all the characteristics that you have mentioned : the moron Imam wahab, the idiot michel aoun, The bajam n rejel el mott hizballah u name it we got all kinds of filthy F***S in this country. I wish he was still aoround, He would have a been our president for sure, wou bil ouweh…. R.I.P.G

• 2. Nassif | December 9th, 2007 at 11:34 pm

  Oupssssssss I forgot that G aint maronite…. But it’s all good I would love to see as our president…

• 3. mikel | December 10th, 2007 at 5:01 am

  تحية وسلام لك
  يا ديك النهار
  يا قلم الجرأة
  في صحافة الأحرار
  يا صرخة الحرية
  في مواكب الثوّار
  سلام لك
  يا من أحببت لبنان حتى العبادة
  ورفعت مشعل الحرية
  الإستقلال والسيادة
  ووقفت بوجه الظلم شجاعاً
  حتى نلت فخرالشهادة
  سلام لك
  من شباب لبنان
  شباب الكرامة
  العزّة والعنفوان
  شباب الثورة
  ضد أي طغيان
  سلام لك
  مِن مَن أقسموا اليمين
  مسلمين ومسيحيين
  سنبقى ندافع عن لبنان العظيم
  اليوم ، غداً
  والى أبد الآبدين

• 4. Rodge | December 10th, 2007 at 10:57 am

  I think Majida El Roumi speech was the best anyone can say. She said what we all think of. Superb and very emotional Majida. For those who couldn’t listen to the full speech, i would like to share it with you all:
  كلمة الفنانة ماجدة الرومي: “كم قلب بعد لازم ينكسر؟ كم بيت بعد لازم يخسر ويخرب؟ كم لبناني بعد لازم ينام على الهمّ ويقوم على الغم؟ كم شب وصبية لازم يفلو لتجتمعو وتتفقو وتقررو تنهو هالوضع المأسوي يللي نحن فيه وهالانقسام المرعب. كيف فينا ننقسم لدرجة لاقي ناس يقولولي اوعِك تروحي تصلي بجناز بيار (الجميل)، اوعا تروحي تحكي بذكرى جبران بيفكروكي ضد التانيين. مين التانيين؟ مين الاولين؟ مش كلكن لبنانيي؟ وكل هالشهدا يللي ماتوا، بصدق، وبلا تجميل حكي، من اقصى جنوب لبنان ومجازر اسرائيل، لاقصى الشمال وشهدا الجيش الحبيب، لكل يللي ماتوا من خيرة شبابنا… مش كلن إلنا وحرقو القلب، وذنبن بس انن لبنانيي؟

  ما عدنا نلتقي لنترحم ع الشهدا. صار في شهيد إلن، شهيد إلنا. شو مؤلم هالحكي، وانا برفضو. انا بعلن من هون انو شرّفني رتّل لبيار، وبيشرفني احكي بجبران. واذا كنت متهمة اني لبنانيي، نيالي. ما بقا يهمني مين يلي بدو يزعل من هالحكي. بعرف انو في ناس رح يزعلو، بس مش هاممني كثير مين رح يزعل، لانو بعد 30 سنة حرب يأسنا، وما بقى يهمني اشهد لاي انسان ع الارض، خاصة مش بالسياسة. بشهد لربنا، وربنا بيحب السلام، وهو ضد العنف، وبيقللي اليوم اشهد للحق ولخيرة شبابنا، لسيادة هالارض وحريتها متل ما بيليق بمواطن عندو كرامة، لهالشعب اللبناني المعذب الشهيد يللي بيموت كل يوم الف موتة، وبيعيش من حلاوة الروح وبيكفي…

  بتقولو انكن مؤتمنين على سيادة لبنان وعلى سلامتنا… انتو فتفتو هالبلد وبدكن تعملو بلد على قياس الطوائف والاحزاب، على قد الكرسي. بس هوي اكبر بكثير. انتو يللي فرقتونا وقسمتونا بقلب البيت الواحد، ويللي شرذمتونا وربطتو قصتنا بقصص نص الكرة الارضية… ليش لازم نكون نحن ورقة بيلعبو فيها الكل؟ ليش انتو بتقبلو بانقسامكم 30 سنة وتعلنو للدني كلها انكن مش قادرين تديرو شؤون الوطن. ويمكن هيدا المطلوب بالاخير. واذا كان هيك، انتو بتعملوه؟ انتو مؤتمنين على حريتنا وسيادتنا واستقلالنا. انا هون تا قول بيكفي… تركونا نعيش.

  باسم الحق، وباسم ربنا يللي بتقولو انكن بتحبوه وبتتحركو باسمو، تركو هيدي الدولة دولة. من مصلحة مين يكون هالوطن بلا سقف، ويصير مية دولة؟… انا هون لناشدكم باسم الرب لتعملو السلام. عم تخنقونا لما يضل فينا حدا يسمعكن. وانا هون لجبران ، لقلو يا صديقي وخيّي جايي حييك، والقلب واحد. على قد ما رح تبقى قلوبنا قلوب، انت فيها ومنصان بالوفا. لي؟ لانو اذا ما قدّرنا شب مثلك بيسوا دموع العينين، واذا ما وقفنا اليوم هالوقفة لالك، وانت الملك يللي غاب عنا، رح نوقف لمين؟ ليللي دبحونا من الوريد للوريد؟ مش رح نوقفلن. بطلع بصورك ع الطريق وبستحي يا جبران قلك ان دمك ما رح يروح هدر. بس بقلك باسم ربنا الحي الباقي للابد، جايي إيام وبجزم بدها تجي، يبزهر فيها دمك بثلاث ألوان العلم وبس، بيوم الحرية والسيادة يللي بدو يجي، مهما طال الوقت، لانو ما حدا بيكبر تيصير بحجم لبنان… ولبنان ما بيزغر. كلن رايحن وهوي باقي. ومطرح ما لبنان باقي، رح تبقى يا جبران، مع الكبار يللي شهدو لكرامتو ورسالتو المتميزة بالارض…”.

Leave a Reply

Trackback this post  |  Subscribe to the comments via RSS Feed